تبلیغات

ads

( جشن و شُکرانه )وئردیق ال اله ائل گوجی دوندی سئله قارداش

60 views
۱۰ام اردیبهشت ۱۳۹۵

 

جشن و شُکرانه 

وئردیق اَل اَلَه اِئل گوجی دوندی سئله قارداش

یول بیردی هدف بیر هامی باهم باجی قارداش

احسن بئله ایثاروزه ای ملت ایران

احسن بئله وحدت یارادان عشقوزه قربان

دین و وطنی ساخلاماقا وحدتی میز وار

قان جوشه گلیر قلبیده چون غیرتی میز وار

شُکر اولسون او آللهَ گوزل رهبر میز وار

گل ساخلا بئله وحدتی وئرمه یئله قارداش

عهد ایلین آللهیله ایمانینی ساتماز

تقواسی اولان بنده لیگی قلبیدن آتماز

غیرتلی جماعت بیلیسوز دالدادا یاتماز

بیز باهم اولوب دونمیشوق ایندی سئله قارداش

دین و شرف و تپراقی میز اصل هدف دی

مومن دی بولار قلبیلری عین صدف دی

ایراندا سراب اهلی دِه دریای  شرف دی

دین قاراشیوق وئر همشه اَل اَلَه قارداش

ایمانی اولان رشته پیمانینی قیرماز

حق یولدان آزیب خدمت شیطانیده دورماز

آج قالسادا نامرده گئدیب بوینئنی بورماز

حمد ایلییق هر آن بئله امنییته قارداش

آزاده لیگین ، لذتین آزاده لر  آلدی

دشمنلری تقواسی اولان لرزیه سالدی

عشق اهلی چاتیب مطلبینه اجرینی آلدی

 گوللر گول آچیب دوندی وطن گلشنه قارداش

قان وئردی وطن عشقینه غیرتلی جوانلار

 قانه بویانیب لاله کیمی قانه باتانلار

قویما حَدر اُولسونلا امانتدی بو قانلار

یول بیردی هدف بیر هامی باهم باجی قارداش

احسن بئله ایثاروزه ای ملت ایران

احسن بئله وحدت یارادان عشقوزه قربان

احمد باقری

تبلیغات

مطالب مشابه با این مطلب

ارسال نظر به ( جشن و شُکرانه )وئردیق ال اله ائل گوجی دوندی سئله قارداش


کد آمار