تبلیغات

ads

بانوی جنان فاطمه دی (س)

2 views
۲۴ام بهمن ۱۳۹۶
 

بانوی جنان فاطمه دی (س)

عالمه شمع فروزانِ نهان فاطمه دی

فخریدی عالمه بانوی جنان فاطمه دی

عفت و عصمتی دیللرده نشان فاطمه دی

اُو جوان سینّی ده غمدن قوجالان فاطمه دی

دئمیرم درگهی اوتلاردا یانان فاطمه دی

دئمیرم درگهی قانه بویانان فاطمه دی

قوی دئیم حقینین اوسته دایانان فاطمه

غصب اولوب فاطمه نین حقی علی حقینه تای

ظلم اوتی شعله چکیب قلبی یانان فاطمه دی

اوت قالانمیش قاپیا حمله ور اولدی او قوشون

در و دیوار آراسیندا سیخلان فاطمه دی

نلر اولدی نه دئیم عرشه چیخیب ناله سسی

سقط اولوب محسنی گول تک سارالان فاطمه دی

شیر یزدان قولی باغلی دایانیب دینه گوره

شمع عشقینده یانان سینه سی قان فاطمه دی

اوچ پر اوخ تک قاپی مسماری یاریب سینه سی

جاهل انسان نه بیلور دُرّ گران فاطمه دی

آتاسیندان سورا یتمیش گونین ارزینده سولیب

باور ائتموردی گورنلر بو همان فاطمه دی

سیندی پهلو سی خانم دای دورابیلمور ایاقا

اوجوان سینی ده آز عمری خزان فاطمه دی

باخدی حسرتله او غمدیده لر یومدی گوزین

سارلان گوللرینین گویلین آلان فاطمه دی

چکدی ئوز گوللرینین نازینی زلفین دارادی

جان وئرن وقته حسین دن نگران فاطمه دی

غم یمه شیعه لره مشکل آچان فاطمه دی

زاهدا عشق دیارینده یانورسان هر اوتا

غم یمه صبر ائله چون مشکل آچان فاطمه دی

احمد باقری

تبلیغات

مطالب مشابه با این مطلب

ارسال نظر به بانوی جنان فاطمه دی (س)


کد آمار